Վենետիկի համալսարանի հայ լեզվի եւ մշակույթի այս տարվա ամառային խտացյալ դասընթացներին մասնակցել ցանկացողների համար մանրամասն տեղեկություններ է հաղորդել Պո-Արաքս մշակութային ընկերակցությունը։
Դասընթացները տեղի կունենան օգոստոսի 4¬20-ը, քննություններըՙ օգոստոսի 21-ին։ Ժամանումՙ օգոստոսի 1¬2, մեկնումՙ օգոստոսի 22¬23-ին։ Մասնակիցների նվազագույն տարիքըՙ 18, դիմումները պետք է կատարել անձամբ եւ գրավոր, նշել հեռախոսի, ֆաքսի թվերը եւ էլեկտրոնային փոստի հասցեն։
Անհրաժեշտ գումարը 630 եվրո է կամ համապատասխան տարադրամ։ Գումարի մի մասը (400 եվրո) պետք է վճարվի մինչեւ մայիսի 31-ը, մնացածըՙ պարտադիր մուտքի օրը։ Դասընթացներին նախապես լավ արդյունքով մասնակցողների, ինչպես նաեւ միասին եկող ազգականներից մեկի համար սահմանված է 10 տոկոս զեղչ։
Չեկը պետք է դրամատնային եւ միջազգային լինի (ունենա դրամատան երաշխիքը եւ բաժնեկից լինի իտալական դրամատան)ՙ հասցեագրված ASSOCIAZIONE PADUS-ARAXES եւ ուղարկվիՙ ASSOC. Padus-Araxes-c/o Dip. Studi Eurasiatici- San Polo 2035-30125 Venezia (Italia)։
Դասերը տեղի կունենան երկուշաբթիից ուրբաթՙ առավոտյան։
Բնակության վայրըՙ պատմական Վենետիկ, համալսարանական ուսանողական (Residenza Abazia)։ Ամբողջ դասընթացի համար կեցության վճարը շուրջ 800 եվրոՙ մեկ, 600 եվրոՙ երկու տեղանոց սենյակի համար։ Ճաշը, ընթրիքը համալսարանի սեղանատանըՙ շուրջ 5 եվրո։
Լրացուցիչ տեղեկությունների համար օգտագործել +39.041.241 4448 ֆաքսի համարը, կամ էլ. հասցենՙ daniela@padus-araxes.com։
կամ հեռաձայնել +39.041.2414448 համարովՙ երկուշաբթի, հինգշաբթի օրերը կամ +39.347.4562981ՙ երեքշաբթի, չորեքշաբթի, ուրբաթ։
Մ. Բ.