Երեկ «Ժամանակը եւ ժամանակակիցները» խորագրով դիմանկարի ցուցահանդես բացվեց Մարտիրոս Սարյանի տուն-թանգարանում։ Հայ մեծանուն նկարչի հանճարեղ վրձնահարվածներով դիմանկարների շարքը (124 կտավ) ներկայացնում է վարպետի ապրած ժամանակը եւ նրա երեւելի ժամանակակիցներինՙ Ե. Չարենց, Ավ. Իսահակյան, Հր. Աճառյան, Արտ. Շահինյան, Կոմիտաս, Վազգեն Ա, Ռ. Իսրայելյան, եւ այսպես շարունակ. 20-րդ դարասկզբի հայոց համար ծանրագույն ժամանակների ծնունդ մտավոր ուժեղ մի փայլատակում, որ պայմանավորեց հայոց կյանքի հետագա վերածնունդը։ Ցուցահանդեսը նախապատրաստել, նախանձախնդրորեն կազմակերպել էր եւ ներկայացրեց Սարյանի արվեստի նվիրյալ արվեստաբան Շահեն Խաչատրյանը։
Բացմանը ելույթ ունեցան նաեւ Հենրիկ Բախչինյանը, Վարազդատ Հարությունյանը եւ Կարպիս Սուրենյանը։ Ցուցահանդեսը շարունակվում է։
Մ. Բ.