Հայաստանի մինչեւ 17 տարեկանների պատանեկան հավաքականը Կիպրոսում ավարտելով ուսումնամարզական հավաքը, վերադարձավ Երեւան։ Ավարտական խաղում հայ ֆուտբոլիստները 1-0 հաշվով հաղթեցին Նորվեգիայի իրենց հասակակիցներին, որոնց հետ մրցելու են Անգլիայում մարտի 24-28-ը կայանալիք ընտրական մրցաշարում։ Մեր հավաքականին հաղթանակ պարգեւեց Նդումբուկի տուգանային հարվածով խփած միակ գոլը։ Նշենք, որ մինչեւ Անգլիա մեկնելը ՀՀ պատանեկան հավաքականը մեկշաբաթյա ուսումնամարզական հավաք կանցկացնի Ֆրանսիայում։