Թբիլիսիի հայկական թիվ 131 միջնակարգ դպրոցը այս տարվանից հրապարակում է կրթալրատվական պարբերաթերթ։ Հրապարակվող պարբերականում հիմնականում դպրոցի առօրյային ու դպրոցի մասշտաբով հետաքրքրական իրադարձություններին նվիրված թեմաներ ու հոդվածներ են։
Այն, որ Թբիլիսիում հենց դպրոցի մակարդակով հրապարկվում է պարբերաթերթ, արդեն ողջունելի քայլ է։ Սա հատկապես կարեւոր է, եթե հաշվի առնենք, որ հայերենի ուսուցումը բավականին ցածր մակարդակի վրա է գտնվում Վրաստանում։
Թիվ 131 միջնակարգ դպրոցի կրթալրատվական պարբերաթերթի էջերում իրենց հոդվածներն են տպագրում դպրոցի աշակերտները։ Պարբերաթերթի հայերենի առումով ուրախալի է, որ աշակերտների հայերեն լեզվի իմացությունը բավարարում է հոդվածներ հեղինակելու եւ դպրոցի կյանքին վերաբերող հետաքրքրական իրադարձությունները հայերենով շարադրելու համար։
Պարբերաթերթի 2-րդ համարում տեղ գտած նյութերը վերաբերում են «Դեդիս Տղե» Մոր օրվա տոնին, որ Վրաստանում նշում են մարտի 3-ին։ Բնականաբար, հրապարակված պարբերականի հոդվածներն էլ նվիրված են դպրոցի ուսուցչուհիներինՙ աշակերտական շնորհավորանքներով։
Ա. Հ.