Շախմատի Հայաստանի բարձրագույն խմբի տղամարդկանց առաջնությունը հատեց «հասարակածը»: Գերազանց է հանդես գալիս Արտաշես Մինասյանը, որը 7 տուրից հետո 100 տոկոսանոց արդյունքով վստահորեն գլխավորում է աղյուսակը: Հերթական հաղթանակը նա տոնեց Գաբրիել Սարգսյանի նկատմամբ: Առաջատարից 2 միավորով հետ է մնում Կարեն Ասրյանը, որը հաղթեց Տիգրան Քոթանջյանին: 4,5 միավորով երրորդ տեղում է Արման Փաշիկյանը, որը պարտության մատնեց Արթուր Չիբուխչյանին: Բենիամին Գալստյանն էլ առավելության հասավ Աշոտ Անաստասյանի նկատմամբ:
ԱՇՈՏ ՀԱՅՐԱՊԵՏՅԱՆ