Ֆուտբոլի Հայաստանի ազգային հավաքականը պահպանել է իր զբաղեցրած 123-րդ տեղը ՖԻՖԱ-ի դասակարգման նոր ցուցակում: Ընտրական մրցաշարում մեր հավաքականի առաջիկա մրցակից Ռումինիայի հավաքականը նախորդ ցուցակի համեմատ 2 հորիզոնականով նահանջել է եւ այժմ զբաղեցնում է 28-րդ տեղը: Իսկ ամենաբարձր վարկանիշներ ունեն չեխերը (5-րդ տեղ) եւ հոլանդացիները (6-րդ): Մակեդոնացիների նկատմամբ տոնած հաղթանակի շնորհիվ 4 հորիզոնականով վեր է բարձրացել Անդորրայի հավաքականը (143-րդ): Ֆինները 45-րդ տեղից տեղափոխվել են 43-րդ հորիզոնական, իսկ մակեդոնացիները 92-րդ տեղից մեկ աստիճան վեր են բարձրացել:
Հոկտեմբերի համեմատ ցուցակում ամենամեծ առաջընթացը նկատվել է Ավստրալիայի հավաքականի մոտ, որը 15 հորիզոնականով վեր է բարձրացելՙ զբաղեցնելով 49-րդ տեղը: Իսկ ահա, Վիետնամի հավաքականը 13 տեղով նահանջել է: Լավագույն տասնյակը մնացել է անփոփոխ, չնչին փոփոխություններ են կատարվել միայն տասնյակի ներսում: Ներկայացնում ենք լավագույն տասնյակի, ինչպես նաեւ նախկին ԽՍՀՄ հանրապետությունների հավաքականների ցուցանիշները:
| 1. Բրազիլիա | 847 |
| 2. Ֆրանսիա | 802 |
| 3. Արգենտինա | 784 |
| 4. Իսպանիա | 775 |
| 5. Չեխիա | 768 |
| 6. Հոլանդիա | 758 |
| 7. Անգլիա | 752 |
| 8. Մեքսիկա | 743 |
| 9. Պորտուգալիա | 743 |
| 10. Իտալիա | 736 |
| 33. Ռուսաստան | 642 |
| 51. Ուզբեկստան | 580 |
| 67. Լատվիա | 551 |
| 68. Ուկրաինա | 551 |
| 69. Բելառուս | 548 |
| 76. Էստոնիա | 533 |
| 93. Թուրքմենստան | 487 |
| 103. Լիտվա | 449 |
| 107. Վրաստան | 442 |
| 112. Մոլդովա | 434 |
| 116. Ադրբեջան | 425 |
| 123. Հայաստան | 389 |
| 133. Տաջիկստան | 355 |
| 147. Ղազախստան | 309 |
| 151. Ղրղզստան | 271 |
ԱՇՈՏ ՀԱՅՐԱՊԵՏՅԱՆ