«ԱԶԳ» ՕՐԱԹԵՐԹ

ԱՌԱՆՑ ԽԱՂԻ ԱՌԱՋԸՆԹԱՑԸ ԲԱՑԱՌՎՈՒՄ Է

ՖԻՖԱ-ն հրապարակել է ազգային հավաքականների վարկանիշային հերթական ցուցակը: Հունվարի համեմատ ցուցակում փոփոխություններն այնքան էլ շատ չեն, թեեւ առանձին հավաքականների ցուցանիշների վրա վերջերս կայացած ընտրական եւ ընկերական հանդիպումների արդյունքներն ազդել են: Հայաստանի ազգային հավաքականը, որն արդեն 3 ամիս ոչ մի խաղ չի անցկացրել, պահպանել է իր դիրքը ցուցակումՙ զբաղեցնելով 120-րդ տեղը: Ճիշտ է, հունվարի համեմատ մեր հավաքականի վարկանիշը մեկ միավորով նվազել է:

Հունվարի համեմատ ամենամեծ առաջընթացը գրանցվել է Ուկրաինայի եւ Չադի հավաքականների մոտ, որոնք 8 հորիզոնականով վեր են բարձրացելՙ վարկանիշն ավելացնելով համապատասխանաբար 15 եւ 25 միավորով: Զգալի փոփոխության է ենթարկվել ՀՀ հավաքականի մրցակից Ֆինլանդիայի ընտրանու ցուցանիշը: Ֆինները 16 միավորով ավելացնելով վարկանիշը, 5 հորիզոնականով վեր են բարձրացելՙ զբաղեցնելով 38-րդ տեղը: Ցուցակում 5 տեղով առաջընթաց են ապրել նաեւ Եվրոպայի չեմպիոն հույները (13-րդ տեղ), Կանադայի (85-րդ տեղ), Գաբոնի (107-րդ տեղ) հավաքականները: Մակեդոնիայի հավաքականի հետ ոչ-ոքի արդյունքը Անդորրայի ընտրանուն թույլ տվեց վարկանիշն ավելացնելու 11 միավորով եւ 2 տեղով վեր բարձրանալուՙ զբաղեցնելով 139-րդ հորիզոնականը: Ընտրական մրցաշարում մեր հավաքականի մյուս երկու մրցակիցներըՙ չեխերն ու հոլանդացիները նախկինի պես լավագույն տասնյակում պահպանել են դիրքերը: Ռումինացիները մնացել են 28-րդ տեղում, իսկ մակեդոնացիներըՙ 93-րդ հորիզոնականում: Լավագույն տասնյակում էլ փոփոխություններ տեղի չեն ունեցել:

Ներկայացնում ենք լավագույն տասնյակի եւ նախկին ԽՍՀՄ հանրապետությունների հավաքականների ցուցանիշները.

ԱՇՈՏ ՀԱՅՐԱՊԵՏՅԱՆ