Լոս Անջելեսի «Նոր օր» շաբաթաթերթը տեղեկացնում է, որ Ամերիկայի հայ ավետարանչական ընկերակցության հովանավորությամբ «Լարք» երաժշտական ընկերակցությունը մարտի 5-ին Գլենդեյլի երիցական (պրեսբիտերական) եկեղեցում ներկայացնելու է Յու. Ս. Բախի «Քրիստոսի չարչարանքները»ՙ ըստ Սբ. Հովհաննես Ավետարանչի:
Երգեցողության գերմաներեն կատարմանը կուղեկցի հայերեն եւ անգլերեն սուպերտիտրըՙ մասնակցությամբ Դանիել Փլասթերի (Ավետարանիչ), Էդմոնդ Ղարախանյանի (Հիսուս), Ալենուշ Եղնազարի (սոպրանո) Շողիկ Գուշքչյանի (մեցցո սոպրանո), Սուրեն Հազարյանի (տենոր), Արա Կուրույանի (բաս), դիրիժորությամբ Վաչե Պարսումյանի:
Մինչեւ համերգային ներկայացումը կտրվի կես ժամանոց մեկնաբանություն Կարեն Չութչյանի ընթերցմամբ:
Մ. Բ.