Ամերիկայի հայկական համագումարից ստացված մամլո հաղորդագրությունը տեղեկացնում է, որ Ներկայացուցիչների պալատի եւ հայկական հարցերով կոնգրեսական խմբի անդամ, կոնգրեսական Ջորջ Ռադանովիչը խոստացել է աջակցել բոլոր այն նախաձեռնություններին, որոնք ուղղված են Մ. Նահանգներում Հայոց ցեղասպանության ճանաչմանը: Ռադանովիչը շնորհակալություն է հայտնել Հայաստանում Մ. Նահանգների նախկին եւ ներկայիս դեսպաններ Ջոն Էվանսին եւ Հարրի Գիլմորինՙ հայերի դեմ ոճրագործությունը բնութագրելիս ցեղասպանություն բառը գործածելու համար:
Այդ հայտարարություններից հետո Ամերիկայի հայկական համագումարը նախաձեռնել է արշավՙ նախագահ Բուշին կոչ անելով ապրիլի 24-ի այս տարվա հիշատակման ուղերձում ճանաչել Հայոց ցեղասպանությունը:
Ռ. Պ.