Վերոնշյալ ամերիկյան ամսագիրը հրապարակել է «Ասիայի եւ անցումային տնտեսության երկրների լավագույն բանկեր» հետազոտության արդյունքները, որն անց է կացվել Ասիայի եւ Արեւելյան Եվրոպայի 18 երկրներում, համաձայն որի Հայաստանում լավագույն բանկ է ճանաչվել «Կոնվերս բանկը»: Տեղեկացնելով այդ մասին, «Ազատություն» ռադիոկայանը նաեւ հաղորդել է, որ Վրաստանում լավագույն բանկ է ճանաչվել «Պրոկրեդիտ» բանկը, Ադրբեջանումՙ Ադրբեջանի միջազգային բանկը: Անցյալ տարի «Կոնվերս բանկը» Հայաստանի լավագույն բանկ էր ճանաչվել նաեւ Financial Times կորպորացիայի կողմից:
Ա. Մ.