Հայաստանի նկարիչների միության անդամներին ինտերնետային կայքէջը նոր հնարավորություններ է տալիս սեփական ստեղծագործություններն առավել ճանաչելի ու տարածելի դարձնելու առումով: Կայքէջը ներկայացնում է նկարիչների միությունը սկսած հիմնադրումից (1932 թ.), տեղեկացնում 73 տարիների ստեղծագործական միության ընթացքի գլխավոր իրադարձություններին ընդհանուր գծերով: Միության կայքէջում 1200 անդամներից առայժմ ութսունն են ընդգրկված: Նկարիչների միության ինտերնետային էջը բացում է հայ արդի գեղանկարչության նահապետըՙ 90-ամյա Էդվարդ Իսաբեկյանը: Ընդգրկված են տարբեր ժանրերի (գեղանկարչություն, գրաֆիկա, քանդակագործություն) ստեղծագործող հեղինակների լուսանկարներով, կենսագրական եւ ստեղծագործական տեղեկություններով, չորսական աշխատանքների ներկայացմամբ: Կայքէջի մի առանձին բաժին տեղեկացնում է նկարիչների միությունում տեղի ունեցող նորությունների, կազմակերպված ցուցահանդեսների մասին:
Կայքէջի ստեղծման աշխատանքները շարունակվելու են միության մնացած բոլոր անդամներիՙ հետագա ընդգրկման ծրագրով:
Armenianartists.com կայքէջը հայ այցելուին ժամանակակից գեղանկարչության մասին ընդհանուր պատկերացման լավ հնարավորություն է տալիս անգլերենով, այստեղ բացակայում է հայերեն թեկուզ խորհրդանշական որեւէ բառ: Մինչդեռ ցանկալի է նաեւ անհրաժեշտ հայերեն տեքստի զուգահեռ ներկայությունը:
Մ. Բ.