Վիլնյուսում իրենց մրցավեճն ավարտեցին հունահռոմեական ոճի ըմբշամարտի աշխարհի երիտասարդական առաջնության մասնակիցները: Հայ ըմբիշներից ամենահաջողը Շավիղ Գեւորգյանի ելույթն էր: 50 կգ քաշային կարգում հայ ըմբիշը հասավ մինչեւ եզրափակիչ, որտեղ զիջելով մրցակցին, արժանացավ արծաթե մեդալի: Էջմիածնեցի Արթուր Շահինյանը (84 կգ) հաջող հանդես գալով ենթախմբում, շարունակեց պայքարը մրցանակային տեղերի համար եւ ի վերջո նվաճեց բրոնզե մեդալ:
ԱՇՈՏ ՀԱՅՐԱՊԵՏՅԱՆ