ՖԻՖԱ-ն հրապարակել է ազգային հավաքականների վարկանիշային հերթական ցուցակը: Նախորդ ցուցակի համեմատ Հայաստանի ազգային հավաքականը մեկ հորիզոնականով նահանջել էՙ զբաղեցնելով 120-րդ տեղը: Հորդանանի ընտրանին, որի հետ Հայաստանի հավաքականը երեկ ուշ երեկոյան Ամմանում պետք է ընկերական հանդիպում անցկացներ, եւս նահանջ է ապրել: Հուլիս ամսվա դրությամբ Հորդանանի հավաքականը 6 հորիզոնականով նահանջել է: Սակայն չնայած դրան, հորդանանցիները բավական բարձր դիրք են զբաղեցնում ցուցակումՙ տեղ գրավելով 63-րդ հորիզոնականում:
Ֆուտբոլի աշխարհի առաջնության ընտրական մրցաշարում Հայաստանի հավաքականի մրցակիցներից բոլորից բարձր տեղ է զբաղեցնում Հոլանդիայի հավաքականը, որը եզրափակում է լավագույն եռյակը: Չեխերը, որոնց հետ մեր ընտրանին սեպտեմբերի 3-ին չափելու է ուժերը, 4-րդ տեղում են: Ռումինացիները եւս պահպանել են իրենց դիրքերը (31-րդ տեղ): Ֆինները 43-րդ տեղում են: Մակեդոնացիների ընտրանին 2 հորիզոնականով վեր է բարձրացել եւ այժմ զբաղեցնում է 92-րդ տեղը: Մեկ հորիզոնականով վեր է բարձրացել նաեւ Անդորրայի ընտրանին (134-րդ տեղ):
Նախորդ ամսվա համեմատ ամենամեծ առաջընթացը գրանցվել է Քաթարի հավաքականի մոտ, որը 7 հորիզոնականով վեր է բարձրացել: Իսկ ահա Ուզբեկստանի հավաքականը 9 տեղով նահանջել է:
Ներկայացնում ենք դասակարգման ցուցակի լավագույն տասնյակի եւ նախկին ԽՍՀՄ հանրապետությունների հավաքականների ցուցանիշները:
| 1. Բրազիլիա | 837 |
| 2. Արգենտինա | 782 |
| 3. Հոլանդիա | 780 |
| 4. Չեխիա | 777 |
| 5. Մեքսիկա | 770 |
| 6. ԱՄՆ | 768 |
| 7. Անգլիա | 743 |
| 8. Իսպանիա | 739 |
| 9. Ֆրանսիա | 737 |
| 10. Պորտուգալիա | 737 |
| 29. Ռուսաստան | 655 |
| 36. Ուկրաինա | 639 |
| 61. Բելառուս | 565 |
| 62. Ուզբեկստան | 561 |
| 64. Լատվիա | 559 |
| 82. Էստոնիա | 518 |
| 92. Լիտվա | 488 |
| 103. Վրաստան | 460 |
| 107. Թուրքմենստան | 437 |
| 113. Մոլդովա | 414 |
| 116. Ադրբեջան | 410 |
| 120. Հայաստան | 390 |
| 141. Տաջիկստան | 321 |
| 148. Ղազախստան | 296 |
| 152. Ղրղզստան | 268 |
ԱՇՈՏ ՀԱՅՐԱՊԵՏՅԱՆ