Թուրքիայի Իզմիր քաղաքում ընթացող համաշխարհային ուսանողական խաղերին մասնակցում են նաեւ Հայաստանի ներկայացուցիչները: Մարզական մեր պատվիրակությանն առաջին մեդալը պարգեւեց ազատ ոճի ըմբիշ Վահան Սիմոնյանը: Հայ ըմբիշը բավական հաջող հանդես եկավ ազատ ոճայինների մրցաշարում: Նախնական փուլերում նա հաջողությամբ հաղթահարեց մրցակիցների դիմադրությունը եւ մտավ եզրափակիչ: 55 կգ քաշային Վահան Սիմոնյանը եզրափակիչ մրցավեճն էլ փորձեց իր օգտին ավարտել, սակայն այս անգամ մրցակցին պարտության մատնել չկարողացավ: Վահանն արժանացավ արծաթե մեդալի, ինչը երիտասարդ ըմբիշի համար մեծ նվաճում է:
ԱՇՈՏ ՀԱՅՐԱՊԵՏՅԱՆ