Լեհաստանի Սոպոտ քաղաքում անցկացված վինդսերֆինգի աշխարհի եւ Եվրոպայի առաջնություններում հիանալի հանդես եկավ մեր հայրենակից, Սոչիում բնակվող Վիկտոր Այվազյանը: Ռուսաստանցի մարզիկը նվաճեց մեկական արծաթե եւ բրոնզե մեդալ: Մինչ այդ օլիմպիական «Միստրալ» դասում ռուսաստանցի մարզիկներին դեռեւս չէր հաջողվել մեդալներ նվաճել: Վիկտոր Այվազյանը հաջող հանդես եկավ թե՛ աշխարհի, թե՛ Եվրոպայի առաջնությունում: Հայազգի մարզիկն արծաթե մեդալ նվաճեց վարպետների միջեւ անցկացված աշխարհի առաջնությունում, իսկ Եվրոպայի առաջնությունում արժանացավ բրոնզե պարգեւի:
ԱՇՈՏ ՀԱՅՐԱՊԵՏՅԱՆ