Մինչեւ 17 տարեկանների ֆուտբոլի Հայաստանի պատանեկան հավաքականն անհաջող մեկնարկեց Իսրայելում անցկացվող Եվրոպայի պատանեկան առաջնության ընտրական առաջին փուլում: Մեր ֆուտբոլիստները 0-4 հաշվով զիջեցին Ռուսաստանի պատանիներին: Նույն բախտին արժանացան նաեւ Ադրբեջանի պատանի ֆուտբոլիստները, որոնք վիճակահանության քմահաճույքով հայ պատանիների հետ ընդգրկվել են միեւնույն ընտրական խմբում: Ադրբեջանի հավաքականը 1-5 հաշվով զիջեց իսրայելցիներին:
Այսօր մեր հավաքականն ուժերը կչափի Իսրայելի ընտրանու հետ, իսկ հոկտեմբերի 28-ին կհանդիպի Ադրբեջանի ֆուտբոլիստների հետ:
ԱՇՈՏ ՀԱՅՐԱՊԵՏՅԱՆ