Հայաստանում Մեծ Բրիտանիայի դեսպանատնից ստացված հաղորդագրությամբ, նոյեմբերի 28-30-ը Երեւանում կլինեն Մեծ Բրիտանիայի միջազգային զարգացման նախարարության Եվրոպայի, Մերձավոր Արեւելքի եւ Հարավային Ամերիկայի վարչության տնօրեն Մարտին Դինհամը եւ Հարավային Կովկասի, Միջին Ասիայի եւ Մոլդովայի բաժանմունքի պետի տեղակալ Մելիսա Հարոլդը: Նրանց նպատակն է ծանոթանալ Հայաստանի կառավարության վարած քաղաքականությանը, երկրի զարգացման ընթացիկ ծրագրերին: Հյուրերը կհանդիպեն Հայաստանի տարածքային կառավարման, արտաքին գործերի, ֆինանսների եւ էկոնոմիկայի նախարարների, Ազգային ժողովի նախագահի տեղակալի, ինչպես նաեւ հանրապետության նախագահի տնտեսական հարցերի գլխավոր խորհրդականի հետ: Այցի վերջին օրը նրանք կմեկնեն Գավառՙ հանդիպելու Գեղարքունիքի մարզպետին եւ Մեծ Բրիտանիայի միջազգային զարգացման նախարարության ծրագիրն իրականացնող կազմակերպության գրասենյակի աշխատանքներին, որից հետո կուղեւորվեն Թբիլիսի:
Ռ. Պ.