ՖԻՖԱ-ն հրապարակել է ազգային հավաքականների դասակարգման հերթական ցուցակը: Հայաստանի հավաքականը մրցաշրջան-2005-ը եզրափակեց դասակարգման ցուցակի 108-րդ հորիզոնականում: Նախորդ ամսվա համեմատ մեր ընտրանին 2 տեղով վեր է բարձրացելՙ վարկանիշն ավելացնելով մեկով: Հիշենք, որ անցյալ տարվա արդյունքներով մեր հավաքականը 402 վարկանիշով 119-րդ տեղում էր:
Դասակարգման ցուցակում ամենամեծ առաջընթացը, որքան էլ որ զարմանալի է, ունեցել է Իրաքի հավաքականը: Վերջինս 20 հորիզոնականով վեր է բարձրացելՙ զբաղեցնելով 54-րդ տեղը: 17 տեղով առաջընթաց է ունեցել Ռուանդայի հավաքականը:
Չնչին փոփոխություններ են կատարվել լավագույն տասնյակի ներսում: Մեքսիկացիները 2 տեղով վեր են բարձրացել, մեկ հորիզոնական էլ առաջընթաց է ապրել Իսպանիայի ընտրանին: Ներկայացնում ենք լավագույն տասնյակի, ինչպես նաեւ նախկին ԽՍՀՄ հանրապետությունների հավաքականների ցուցանիշները:
| 1. | Բրազիլիա | 840 |
| 2. | Չեխիա | 796 |
| 3. | Հոլանդիա | 791 |
| 4. | Արգենտինա | 772 |
| 5. | Մեքսիկա | 768 |
| 6. | Իսպանիա | 768 |
| 7. | Ֆրանսիա | 768 |
| 8. | ԱՄՆ | 767 |
| 9. | Անգլիա | 757 |
| 10. | Պորտուգալիա | 754 |
| 34. | Ռուսաստան | 662 |
| 40. | Ուկրաինա | 630 |
| 59. | Ուզբեկստան | 573 |
| 61. | Բելառուս | 570 |
| 69. | Լատվիա | 550 |
| 76. | Էստոնիա | 543 |
| 100. | Լիտվա | 464 |
| 104. | Վրաստան | 459 |
| 107. | Մոլդովա | 442 |
| 108. | Հայաստան | 431 |
| 114. | Ադրբեջան | 394 |
| 116. | Թուրքմենստան | 385 |
| 137. | Ղազախստան | 314 |
| 141. | Տաջիկստան | 299 |
| 157. | Ղրղզստան | 235 |
ԱՇՈՏ ՀԱՅՐԱՊԵՏՅԱՆ