Հունվարի 15-ին Մայր աթոռ Սբ. Էջմիածնում տեղի ունեցավ եպիսկոպոսական ձեռնադրություն: Ն.Ս.Օ.Տ.Տ. Գարեգին Բ կաթողիկոսի ձեռքով եպիսկոպոսական ձեռնադրություն եւ օծում ստացան Եգիպտոսի հայոց թեմի առաջնորդ Աշոտ վրդ. Մնացականյանը եւ Դամասկոսի հայոց թեմի առաջնորդ Արմաշ վրդ. Նալբանդյանը:
Նախընթաց օրը Մայր տաճարում Իջման Սբ. սեղանի առջեւ կատարվել էր երկու ընծայացուների հավատքի ուղղափառության քննություն:
Ձեռնադրության արարողության ավարտին նորաօծ եպիսկոպոսներին հանձնվեցին եպիսկոպոսական իշխանության խորհրդանիշներըՙ եպիսկոպոսական գավազաններ եւ մատանիներ, ինչպես նաեւ ի նշան Աստծո խոսքի անձանձիր քարոզչությանՙ Սբ. Ավետարան:
Սբ. պատարագի ավարտին Մայր աթոռում տեղի ունեցած ընդունելության ժամանակ Հայոց հայրապետը նորաօծ եպիսկոպոսներին նվիրեց պանակեներՙ իբրեւ եպիսկոպոսական իշխանության խորհրդանիշ:
Մ. Բ.