Կանադայի հանրային հեռուստատեսության պատվերով եւ Կանադայում Հայաստանի դեսպանության աջակցությամբ Stormy Nights Production կանադական ընկերության նկարահանած «Երկար ճանապարհ դեպի տուն» վավերագրական ֆիլմը պատմում է կանադահայ հանրաճանաչ երիտասարդ օպերային երգչուհի Իզաբել Բայրաքդարյանի հայաստանյան առաջին այցի մասին:
Ֆիլմի շնորհանդեսը կայացել է 2005 թ. դեկտեմբերի 18-ինՙ Կանադայի արտաքին գործերի նախարարությունում, իսկ հունվարի 19-ին ֆիլմը ցուցադրվեց CBC հեռուստաալիքով: Ֆիլմը ճանաչողական նշանակություն ունեցավՙ կանադացի հեռուստադիտողին հնարավորություն տալով հաղորդակցվել Հայաստանի անցյալի ու ներկայի պատմությանն ու մշակույթին:
Մ. Բ.