ՀՖՖ նախագահ Ռուբեն Հայրապետյանի հունվարի 30-ի հրամաններով Սամվել Պետրոսյանը նշանակվել է Հայաստանի երիտասարդական հավաքականի գլխավոր մարզիչ: Արմեն Գյուլբուդաղյանցը նշանակվել է մինչեւ 19 տարեկանների Հայաստանի պատանեկան հավաքականի, իսկ Արսեն Չիլինգարյանը` մինչեւ 17 տարեկանների հավաքականի գլխավոր մարզիչ, որին կօգնի Արմեն Սանամյանը: Ֆուտզալի Հայաստանի ազգային հավաքականը կգլխավորի Ռուբեն Նազարեթյանը: Վարդան Մինասյանը նշանակվել է Հայաստանի ազգային հավաքականի մարզիչ, իսկ Արթուր Ավագյանը` դարպասապահների մարզիչ:
ԱՇՈՏ ՀԱՅՐԱՊԵՏՅԱՆ