Ուկրաինայի առաջնության բարձրագույն խմբի առաջնության մասնակից Ալչեւսկի «Ստալում» վարձավճարով հանդես եկող Արա Հակոբյանը վերադարձել է Դոնեցկի «Մետալուրգ»: Վերջինիս ղեկավարությունը հաշվի առնելով Արա Հակոբյանի արդյունավետ խաղը «Ստալում», որի ռմբարկուն է հայ ֆուտբոլիստը, որոշեց չերկարաձգել վարձավճարի ժամկետը եւ նրան վերադարձնել թիմ: Այժմ «Մետալուրգում» բացի Արա Հակոբյանից հանդես են գալիս նաեւ ՀՀ հավաքականի պաշտպան Եղիշե Մելիքյանը եւ ուկրաինահայ Արմեն Հակոբյանը:
Նշենք, որ Արա Հակոբյանը ժամանակին «Բանանցից» տեղափոխվել էր Դոնեցկի «Մետալուրգ»` պայմանագիր կնքելով ուկրաինական ակումբի հետ: Վերջինս էլ վարձավճարով նրան տրամադրել էր «Ստալին»:
ԱՇՈՏ ՀԱՅՐԱՊԵՏՅԱՆ