ՖԻՖԱ-ն հրապարակել է ազգային հավաքականների դասակարգման հերթական ցուցակը: Նախորդ ամսվա համեմատ Հայաստանի ազգային հավաքականը մեկ հորիզոնականով նահանջել է եւ այժմ դասակարգման ցուցակում 109-րդն է: Եվրո-2008-ի ընտրական մրցաշարում Հայաստանի հավաքականի մրցակիցներից ամենաբարձր դիրքը զբաղեցնում է Պորտուգալիայի ընտրանին, որը եզրափակում է լավագույն տասնյակը: Պորտուգալացիները պահպանել են իրենց դիրքերը: Նույնը վերաբերում է նաեւ Լեհաստանի (26-րդ տեղ) եւ Ադրբեջանի (114-րդ) հավաքականներին: Սերբերը մեկ հորիզոնականով վեր են բարձրացել (46-րդ)` զբաղեցնելով ֆինների տեղը, որոնք ներկայումս 48-րդն են: Չորս հորիզոնականով վեր է բարձրացել Բելգիայի ընտրանին (50-րդ): ՀՀ հավաքականի մրցակիցներից ամենացածր վարկանիշն ունի Ղազախստանի ընտրանին (134-րդ տեղ):
Նախորդ ամսվա համեմատ ամենամեծ առաջընթացն ունեցել է Պաղեստինի հավաքականը, որը 17 հորիզոնականով վեր է բարձրացել եւ այժմ զբաղեցնում է 121-րդ տեղը: Քաթարի հավաքականը 13 տեղով է առաջընթաց ունեցել (77-րդ):
Շատ չնչին են փոփոխությունները լավագույն տասնյակում: Կազմը մնացել է նույնը: Ֆրանսիացիները 5-րդ տեղից նահանջել են 8-րդ հորիզոնական: Մեկ տեղով նահանջել են մեքսիկացիները, իսկ ԱՄՆ-ի ընտրանին մեկ աստիճանով վեր է բարձրացել:
Ներկայացնում ենք դասակարգման ցուցակի լավագույն տասնյակի եւ նախկին ԽՍՀՄ հանրապետությունների հավաքականների ցուցանիշները:
| 1. Բրազիլիա | 835 |
| 2. Չեխիա | 789 |
| 3. Հոլանդիա | 788 |
| 4. Արգենտինա | 765 |
| 5. ԱՄՆ | 764 |
| 6. Իսպանիա | 763 |
| 7. Մեքսիկա | 762 |
| 8. Ֆրանսիա | 760 |
| 9. Անգլիա | 756 |
| 10. Պորտուգալիա | 755 |
| 35. Ռուսաստան | 657 |
| 42. Ուկրաինա | 624 |
| 61. Ուզբեկստան | 573 |
| 63. Բելառուս | 565 |
| 68. Լատվիա | 555 |
| 79. Էստոնիա | 539 |
| 96. Լիտվա | 478 |
| 104. Վրաստան | 459 |
| 107. Մոլդովա | 437 |
| 109. Հայաստան | 427 |
| 114. Ադրբեջան | 392 |
| 118. Թուրքմենստան | 381 |
| 134. Ղազախստան | 323 |
| 141. Տաջիկստան | 297 |
| 159. Ղրղզստան | 233 |
ԱՇՈՏ ՀԱՅՐԱՊԵՏՅԱՆ