Աշխարհում ֆիլմերի ցուցադրությունից ստացվող մուտքերը 2005 թ. կրճատվել են 9 տոկոսով, դժգոհում է Կինեմատոգրաֆիայի ամերիկյան ընկերակցությունը: Այդ կազմակերպության տվյալներով, անցյալ տարի ԱՄՆ-ից դուրս միայն 4 ֆիլմի ցուցադրությունից է ստացվել ավելի քան 300 մլն դոլար` նախորդ տարվա 7 ֆիլմի դիմաց:
Ընկերակցության ղեկավար Դեն Գլիքմանը ներկա վիճակի համար մեղադրում է կարեւոր կինոշուկաներ համարվող Գերմանիայի եւ Ճապոնիայի հանդիսականներին: Նա միաժամանակ ակնկալում է, որ մինչեւ 2011 թ. մուտքերը 12 տոկոսով կաճեն զարգացող շուկաներ Չինաստանի եւ Ռուսաստանի հաշվին:
Անցյալ տարի կինոեկամուտների աճ չապահովվեց անգամ «Հարի Փոթերի եւ կրակի գավաթը» ֆիլմի շնորհիվ. թեեւ այն բերեց ավելի քան 600 մլն դոլար եւ 5-րդ տեղն զբաղեցրեց բոլոր ժամանակների ու ժողովուրդների ռեկորդակիր ֆիլմերի ցանկում:
Չօգնեց նաեւ «Աստղային պատերազմներ-3», «Քինգ Քոնգ», «Չառլին եւ շոկոլադի ֆաբրիկան» ֆիլմերի հաջողությունը:
Ընկերակցությունը բոլոր երկրների կառավարություններին հաղորդում է ուժեղացնել պայքարը ֆիլմերի տարածման «ծովահենային» եղանակների դեմ:
Պ. Ք.