ՖԻՖԱ-ն հրապարակել է ազգային հավաքականների դասակարգման հերթական ցուցակը: Նախորդ ամսվա համեմատ Հայաստանի ազգային հավաքականի դիրքը մնացել է անփոփոխ: Հայ ֆուտբոլիստները 421 վարկանիշով 109-րդ տեղում են: Եվրոպայի առաջնության ընտրական մրցաշարում Հայաստանի հավաքականի մրցակիցներից ամենաբարձր վարկանիշն ունի Պորտուգալիայի ընտրանին, որը նախորդ ամսվա համեմատ 2 հորիզոնականով վեր է բարձրացել` տեղ զբաղեցնելով 8-րդ հորիզոնականում: Իսկ ահա բելգիացիները 6 հորիզոնականով նահանջել են եւ այժմ 56-րդ տեղում են: Լեհերը (28-րդ տեղ) եւ ղազախները (136-րդ տեղ) 2 հորիզոնական նահանջել են, իսկ ահա Ադրբեջանի հավաքականը 2 տեղով առաջընթաց է ունեցել եւ այժմ 112-րդ տեղում է: Սերբերը պահպանել են իրենց դիրքերը (46-րդ տեղ), իսկ ֆինները մեկ հորիզոնականով նահանջել են եւ զբաղեցնում են 49-րդ տեղը:
Նախորդ ամսվա համեմատ ամենամեծ առաջընթացն ունեցել են Տաջիկստանի (16 տեղ), Ղրղզստանի (13) եւ Շրի Լանկայի (10) հավաքականները, իսկ ահա բելգիացիները ամենամեծ հետընթացն են ունեցել (6 հորիզոնական):
Առաջին եռյակը պահպանել է դիրքերը: Իսկ տասնյակում արգենտինացիները չորս հորիզոնականով նահանջել են: Ստորեւ ներկայացնում ենք լավագույն տասնյակի եւ նախկին ԽՍՀՄ հանրապետությունների հավաքականների ցուցանիշները:
| 1. Բրազիլիա | 830 |
| 2. Չեխիա | 779 |
| 3. Հոլանդիա | 774 |
| 4. ԱՄՆ | 760 |
| 5. Իսպանիա | 759 |
| 6. Մեքսիկա | 758 |
| 7. Ֆրանսիա | 754 |
| 8. Պորտուգալիա | 753 |
| 9. Արգենտինա | 753 |
| 10. Անգլիա | 744 |
| 37. Ռուսաստան | 648 |
| 41. Ուկրաինա | 616 |
| 59. Ուզբեկստան | 574 |
| 64. Բելառուս | 559 |
| 69. Լատվիա | 547 |
| 79. Էստոնիա | 533 |
| 99. Լիտվա | 465 |
| 101. Վրաստան | 461 |
| 104. Մոլդովա | 453 |
| 109. Հայաստան | 421 |
| 112. Ադրբեջան | 395 |
| 119. Թուրքմենստան | 376 |
| 125. Տաջիկստան | 358 |
| 136. Ղազախստան | 320 |
| 146. Ղրղզստան | 275 |
ԱՇՈՏ ՀԱՅՐԱՊԵՏՅԱՆ