Ապրիլի 28-30-ը Բրյուսելում անցկացված միջազգային խորհրդաժողովում Հայաստանը ներկայացրել է ՀՀ արտաքին գործերի առաջին նախարար Րաֆֆի Հովհաննիսյանը:
«Անդրատլանտյան մարտահրավերները գլոբալ դարաշրջանում» թեմայով բրյուսելյան համաժողովը համախմբել էր համաշխարհային առաջնորդների, հասարակական գործիչների, դիվանագետների, գիտական շրջանակների ներկայացուցիչների: ՌԱՀՀԿ հիմնադիրն ու «Ժառանգություն» կուսակցության նախագահը ելույթ է ունեցել այդ համաժողովում եւ մասնավորապես առաջարկել խստագույնս ու հավասարապես կիրառել ժողովրդավարության, օրենքի գերակայության, մարդու իրավունքների պաշտպանության եւ ցեղասպանության կանխարգելման ու դատապարտման բարձրագույն չափանիշները բոլոր ազգային դերակատարների կողմից` անկախ միջազգային համակարգում նրանց ունեցած տեղից ու դերից:
Ս. Մ.