Հինգ օր շարունակ Հայաստանի ուժեղագույն հեծանվորդները վիճարկում էին հանրապետության չեմպիոնի տիտղոսը: Մեկնարկի էին դուրս եկել մոտ 40 հեծանվորդներ, որոնք հինգ փուլերի ընթացքում պետք է հաղթահարեին 332 կմ մրցատարածությունը: Բազմօրյա հեծանվավազքում իրեն լավագույն կողմերով դրսեւորեց Էդգար Գեւորգյանը: Նա բոլորից արագ հաղթահարեց մրցատարածությունը եւ նվաճեց հանրապետության չեմպիոնի տիտղոսը: Երկրորդ ցուցանիշն ունի Սուրեն Սարկիսովը: Լավագույն եռյակը եզրափակեց Սուրեն Չատոյանը:
ԱՇՈՏ ՀԱՐԱՊԵՏՅԱՆ