ԵԱՀԿ Մինսկի խմբի ռուսաստանցի համանախագահ Յուրի Մերզլյակովը «Թրենդ» գործակալությանը հայտնել է, որ համանախագահները պատրաստվում են օգոստոսին խորհրդակցություն անցկացնելՙ նպատակ ունենալով հստակեցնելու տարածաշրջան ամերիկացի համանախագահ Մեթյու Բրայզայի այցի արդյունքները: Ըստ Մերզլյակովի, ներկայումս հայտնի չէ, թե ի՞նչ որոշումներ կկայացվեն եւ կքննարկվե՞ն արդյոք կողմերի հանդիպման կազմակերպման հարցերը: «Դա կպարզենք, երբ հանդիպենք: Տեղյակ չեմ գնահատականներին, որոնցով հանդես կգա ամերիկացի համանախագահը: Այդ ընթացքում նա արդեն վերջին հանդիպումները կունենա, կխոսի նախագահների հետ ու երեւի ինչ-որ գնահատականներ կտա: Այն ժամանակ կտեսնենք», ընդգծել է Մերզլյակովը:
Ն. Պ.