Ռուսաստանի Դաշնության արտաքին գործերի նախարարության երեկ հրապարակած հայտարարությունում կարեւորվել է Կոդորի կիրճից վրացական զինված ուժերի դուրս բերումը որպես իրավիճակը խաղաղ ճանապարհով լուծելու հնարավորություն. «Մոտ օրերին ծրագրված քառակողմ հաջորդ հանդիպումը, հույս ունենք, կկրի առարկայական եւ արդյունավետ բնույթ»: Մինչդեռ, ինչպես հաղորդում է «Ռեգնում» գործակալությունը, Աբխազիայի պաշտպանության նախարարը բացառում է Վրաստանի հետ որեւէ բանակցություն, որին մասնակից կարող է լինել «վտարանդի իշխանության» պաշտոնական ներկայացուցիչը. «Մենք նրանց հետ խոսելիք չունենք: Ոստիկանական գործողության անվան տակ նրանք Կոդորի կիրճում զինված ուժեր տեղակայեցին», երեկ հայտարարել է Աբխազիայի պաշտպանության նախարարը, ընդգծելով, որ Էմզար Կվիցիանին դեռ ասելու է իր խոսքը:
Ն. Պ.