Եղանակը կարծես որոշել է իր շոգ ձեռքերում տանջահար անել ողջ Հարավային Կովկասը: Օդերեւութաբանների կանխատեսումներով, հարավկովկասյան երեք հանրապետություններում մոտակա երեք օրերին սպասվում է ռեկորդային բարձր ջերմաստիճան: Արարատյան դաշտում մոտակա օրերին ջերմաստիճանը կբարձրանա մինչեւ +39, +40 աստիճան: Մասնագետների մատուցմամբ, սա նորմայից բարձր ջերմաստիճան է, բայց առանձնակի տարօրինակություն չկա եւ արտակարգ ոչինչ չի սպասվում, քանի որ վերջին 100 տարում Հայաստանում դիտվել է նաեւ +40-ից բարձր ջերմաստիճան: Ի դեպ, ի հակադրություն ասենքՙ Իսպանիայի եւ Սիրիայի, որտեղ +40 աստիճանից բարձր ջերմաստիճանի դեպքում աշխատանքը դադարեցվում է, Հայաստանում նման բան չկա:
Ինչ արած, մեզ էլ մնում է հնարավորինս քիչ հայտնվել դրսում ցերեկային ժամերին... ու աշխատել այնպես, կարծես ամառվա հեղձուկը չի ազդում ամեն ինչի սովոր հայերիս վրա:
Ա. Հ.