«Հյուրիեթ» ինտերնետային պարբերականը երեկ անդրադարձել է Օսմանյան կայսրության կալվածքների գրանցամատյանի գաղտնազերծման սահմանափակումներին: Մասնավորապես, Թուրքիայի ազգային անվտանգության խորհուրդը հակառակվում է Օսմանյան կայսրության կալվածքների գրանցամատյանի փաստաթղթերը (դափու) ժամանակակից թուրքերենի վերածելուն եւ հրապարակելուն: Այդ փաստաթղթերի բացահայտմանը խոչընդոտելը պատճառաբանվում է, թե իբր դա կարող է շահագործվել էթնիկ եւ քաղաքական նպատակներով, ցեղասպանությանն առնչվող պահանջներով: Ազգային անվտանգության խորհուրդը հողային գրանցման մարմինների ղեկավարությանը հատուկ նամակով մեծապես խորհուրդ է տվել պահպանել այդ փաստաթղթերի սահմանափակ մատչելիությունը:
Ա. Հ.