Հոկտեմբերի 1-ին Կենտրոնական բանկի նախագահ Տիգրան Սարգսյանը մեկնեց Մեքսիկայի Միացյալ Նահանգներ, Մերիդա քաղաք, որտեղ մասնակցելու է Բանկային վերահսկողների 14-րդ միջազգային կոնֆերանսին:
ԿԲ նախագահը կմասնակցի Բանկային վերահսկողության Բազելյան կոմիտեի եւ Տարածաշրջանային վերահսկիչ խմբերի ղեկավարների աշխատանքներին, որտեղ ներկայացվելու են բանկային վերահսկողության հիմնարար սկզբունքների եւ կառավարման ոլորտի հարցերը:
Կոնֆերանսի ընթացքում քննարկվելու են նաեւ գլոբալ ֆինանսական կայունության, զարգացող տնտեսություններում եւ ներքին շուկայում միջազգային բանկերի ներկայության, փոփոխվող տնտեսական միջավայրում վերահսկողության մարտահրավերների, Լատինական Ամերիկայի բանկային համակարգի մարտահրավերներին եւ հնարավորություններին վերաբերող հարցեր:
Հանդիպումներ են պլանավորված մի շարք երկրների կենտրոնական բանկերի նախագահների հետ:
ԿԲ մամուլի ծառայություն