EBU-ի վարկածով Եվրոպայի չեմպիոն, նախկին գյումրեցի, ներկայումս Սանկտ Պետերբուրգում բնակվող Մհեր Մկրտչյանը վրաց բռնցքամարտիկ Դավիթ Գոգիայի հետ մենամարտում չկարողացավ պահպանել իր տիտղոսը: Երկրորդ միջին քաշային բռնցքամարտիկների մրցավեճը տեւեց 12 ռաունդ: Երեք մրցավարներից երկուսը հաղթանակը շնորհեցին Գոգիային (117-112, 115-113), մեկը նախապատվությունը տվեց Մկրտչյանին (116-114):
Պրոֆեսիոնալ ռինգում 30-ամյա Մկրտչյանն իր 25-րդ մենամարտն էր անցկացնում: Նա 2-րդ պարտությունը կրեց: Իսկ 23 հաղթանակներից 17-ը հայ բռնցքամարտիկը տոնել է նոկաուտով: Մհերի հասակակից Գոգիան անցկացնում էր 17-րդ մենամարտը, որից 15-ը նա ավարտել է հաղթանակով:
ԱՇՈՏ ՀԱՅՐԱՊԵՏՅԱՆ