Երեկ առավոտյան Վրաստանի Կոդորի կիրճում անհայտ հանգամանքներում կրակ է բացվել տարածաշրջան այցելած Վրաստանի ներքին գործերի նախարար Վանո Մերաբիշվիլու վրա: Վրացական «Ռուսթավի-2» հեռուստաընկերության կայքէջի հաղորդմամբ, զոհեր չկան: Մերաբիշվիլու խոսքերով, կրակահերթեր են եղել Աժարա գյուղի ուղղությամբ «գրադ» հրթիռային կայանքիցՙ երեք անգամ: Նախարարի տեղեկություններով, կրակ է բացվել աբխազական կողմից, որտեղ ներկայումս Աբխազիայի պաշտպանական զինուժը զորավարժություններ է անցկացնում: Տեղի ունեցածը վրացական իշխանությունները գնահատում են աբխազական կողմի եւ Ռուսաստանի սադրանք, որը կասկածելիորեն համընկել է Պուտինի ուղիղ եթերով ասուլիսի հետ:
Ա. Հ.