«ԱԶԳ» ՕՐԱԹԵՐԹ

ԱՌԱՋԱՏԱՐՆԵՐԻ ՈՉ-ՈՔԻՆ

Մոսկվայում երեկ կայացավ Միխայիլ Տալի հուշամրցաշարի 7-րդ տուրը: Ուշադրության կենտրոնում էր առաջատարներ Ռուսլան Պոնոմարյովի եւ Լեւոն Արոնյանի վճռորոշ նշանակություն ունեցող պարտիան: Մրցակիցները որոշեցին ռիսկի չդիմել եւ արդեն 25-րդ քայլին հաշտություն կնքեցին: Այդ պարտիան առաջինն ավարտվեց: 7 տուրից հետո Արոնյանն ու Պոնոմարյովն ունեն 4,5-ական միավոր:

Բորիս Գելֆանդը սպիտակներով 43-րդ քայլին պարտության մատնեց Պյոտր Սվիդլերին եւ վաստակեց 4 միավոր: Գրիշչուկն էլ 51-րդ քայլին սպիտակներով առավելության հասավ Շիրովի նկատմամբ: Մյուս առաջատարըՙ հունգարացի Պետեր Լեկոն սեւերով 55-րդ քայլին հաշտություն կնքեց Մագնուս Կառլսենի հետ եւ նույնպես վաստակեց 4.5 միավոր: Վերջինն իրենց մրցավեճն ավարտեցին Մորոզեւիչն ու Մամեդյարովը: Պարտիան ավարտվեց ոչ-ոքի:

ԱՇՈՏ ՀԱՅՐԱՊԵՏՅԱՆ