«ԱԶԳ» ՕՐԱԹԵՐԹ

ՆԱԼԲԱՆԴՅԱՆԸ ՔԱՌՈՐԴ ԵԶՐԱՓԱԿԻՉՈՒՄ Է

Դավիթ Նալբանդյանը շարունակում է հաջող ելույթները Բարսելոնի թենիսի մրցաշարում: Երրորդ շրջանում նա 6-4, 6-3 հաշվով պարտության մատնեց իսպանացի Կառլոս Մոյային: Հաջող է հանդես գալիս նաեւ իսպանացի Ռաֆայել Նադալը, որը վերջերս 3-րդ տարին անընդմեջ հաղթող էր ճանաչվել Մոնտե Կառլոյի մրցաշարում: Նա վստահորեն պարտության մատնեց շվեդ Թոմաս Յուհանսոնին (6-1, 6-4): Պայքարը շարունակում է նաեւ Նիկոլայ Դավիդենկոն, որը հաղթեց Վոլանդրի Ֆիլիպոյին (7-6, 7-6): Քառորդ եզրափակիչի ուղեգիր նվաճեցին նաեւ Ստարաչեն, Ֆեռերը, Էռնանդեսը, Կալյերին եւ Կանյասը:

Քառորդ եզրափակիչում Դավիթ Նալբանդյանը կմրցի իսպանացի Դավիթ Ֆեռերի հետ: Վերջինս նախորդ փուլում պայքարից դուրս էր մղել սերբ Բորիս Պաշանսկուն (6-2, 7-5): Քառորդ եզրափակիչի մյուս երեք զույգերը կազմել են Նադալն ու Ստարաչեն, Էռնանդեսն ու Կալյերին, Կանյասն ու Դավիդենկոն:

ԱՇՈՏ ՀԱՅՐԱՊԵՏՅԱՆ