Ղազախստանը մտադիր է փաստացի ողջ նավթը համաշխարհային շուկաներ հասցնել Ռուսաստանի տարածքով: «Ռիա նովոստին» տեղեկացնում է, որ Ղազախստան Ռուսաստանի նախագահ Վլադիմիր Պուտինի այցելության ժամանակ նման հայտարարություն է արել երկրի նախագահ Նուրսուլթան Նազարբաեւը: Վերջինիս ներկայացմամբ, ռազմավարական համագործակցությունը նավթագազային ոլորտում վերաբերում է ոչ միայն Ռուսաստանի տարածքով ղազախստանյան ածխաջրերի տեղափոխմանը համաշխարհային շուկաներ, այլեւ ածխաջրային հումքի համատեղ վերամշակմանը: Բաքու-Ջեյհան նավթամուղի, նաեւ այլ նավթամուղների շինարարության նախագծերի առնչությամբ հարցերն այսօր եւ վաղը քննարկման թեմա են Լեհաստանում կայանալիք էներգետիկ համաժողովումՙ Լեհաստանի, Ադրբեջանի, Ուկրաինայի եւ Վրաստանի նախագահների մասնակցությամբ: Թեեւ համաժողովին մասնակցելու առաջարկ է ստացել նաեւ Ղազախստանի նախագահը, սակայն վերջինս երեկ հայտարարել է, որ սկզբունքորեն կարող է մասնակցել նավթագծի երկարացման նախագծի քննարկմանը, բայց չի մասնակցի: Եվ այն ժամանակ, երբ Լեհաստանում նշված երկրները կքննարկեն էներգետիկ հարցեր, Նազարբաեւը կմասնակցի Ռուսաստանի, Ղազախստանի եւ Թուրքմենիայի նախագահների եռակողմ հանդիպմանը:
ԱՂԱՎՆԻ ՀԱՐՈՒԹՅՈՒՆՅԱՆ