Այս վերնագիրն է կրում չորեքշաբթիՙ մայիսի 23-ին, ժամը 19.30-ին Բեռլինի Հումբոլտ համալսարանում Գերմանահայկական ընկերության «Բեռլինյան դասախոսություններ» շարքի հերթական միջոցառումը, որի հրավիրյալ բանախոսը. Ուլրիկե Դուֆներն է:
1989-ին ավարտելով Բեռլինի Ազատ համալսարանի քաղաքագիտության բաժինը, Դուֆներն այնուհետեւ գիտահետազոտության առարկա է ընտրել Արեւելքը: Աշխատակցել է Բունդեսթագում Կանաչների դաշինք-90 խմբակցությանը (գիտական գծով), այնուհետեւՙ ԳԴՀ արտգործնախարարությունում, զեկուցումներ պատրաստել Թուրքիայի, Հարավային Կովկասի, Կենտրոնական Ասիայի վերաբերյալ:
2004-ից Ստամբուլում գործող «Հայնրիխ Բյոլ» հիմնադրամի Թուրքիայի գրասենյակի ղեկավարն է:
Թուրքահայ մտավորական Հրանտ Դինքի սպանությունից հետո ինչպիսի՞հնարավորություններ կան Թուրքիայում բաց, բազմամշակույթ հասարակության կերտման համար: Ուլրիկե Դուֆների դասախոսությունը վերոհիշյալ հարցի պատասխանն է ամփոփելու:
Միջոցառումը վարելու է Րաֆֆի Քանդյանը, ողջույնի խոսքը վերապահված է Գերմանահայկական ընկերության նախագահ Էլվիրա Ռայթին:
ԱՆԱՀԻՏ ՀՈՎՍԵՓՅԱՆ, Գերմանիա