«Արմենտել» ընկերությունը որոշել է զիջել հեռախոսագծի միջոցով ինտերնետից օգտվող բաժանորդների գումարների 65 տոկոսը, որոնք 2006 թ.- ի մայիսի 1- ից մինչեւ 2007 թ.- ի մայիսի 23- ը դիմում են ներկայացրել ընկերության ստորաբաժանումներ: Այդ մասին տեղեկանում ենք ընկերության հասարակայնության հետ կապերի տնօրինությունից: Վերջինիս հրապարակած հաղորդագրության մեջ նշվում է նաեւ, որ այն բաժանորդները, որոնք վճարել են պարտքն ամբողջությամբ, վճարված գումարի 65 տոկոսը կմնա որպես կանխավճար: Իսկ այն բաժանորդները, որոնք դեռ չեն վճարել այդ գումարը, պարտքի 35 տոկոսը կվճարեն աստիճանաբար, երեք տարվա ընթացքում, համապատասխան պայմանագիր կնքելով «Արմենտելի» հետ:
Այս հարցի լուծման մեջ կարեւորվում են «Արմենտելի» եւ հանրային ծառայությունները կարգավորող հանձնաժողովի համատեղ քննարկումներն ու համագործակցությունը:
ԱՐԱ ՄԱՐՏԻՐՈՍՅԱՆ