Սանկտ Պետերբուրգում լույս ուրբաթ գիշերը խուլիգանները հարձակվել են մի խումբ հայերի վրա, որոնք վերադառնում էին հարսանիքից, կռիվ են հրահրել, որն ավարտվել է ողբերգությամբ: Ինչպես տեղեկացնում է «Հայինֆո.ռու» կայքէջը, Հայաստանի քաղաքացիներից մեկը սպանվել է: Ծեծկռտուքը տեղի է ունեցել կեսգիշերին մոտ Լունաչարսկու պողոտայում: Թիվ 3 հիվանդանոց է տեղափոխվել 37-ամյա մի տղամարդ, որն առավոտյան ժամը 4-ի սահմաններում մահացել է: Իրավապահ մարմինների տվյալներով, Հայաստանի վեց քաղաքացիներ, որոնք վերադառնում էին հարսանիքից, պետք է գիշերեին Լունաչարսկու պողոտայում գտնվող հանրակացարանում: Հանրակացարանից ոչ հեռու նրանց վրա են հարձակվել երեք անհայտ անձինք:
ԱՂԱՎՆԻ ՀԱՐՈՒԹՅՈՒՆՅԱՆ