Մինչեւ 19 տարեկանների աղջիկների Հայաստանի հավաքականը Լվովում ընթացող Եվրոպայի առաջնության ընտրական մրցաշարում իր երկրորդ պարտությունը կրեց: Հայ աղջիկները երկրորդ տուրում 0-2 հաշվով զիջեցին դաշտի տերերին` Ուկրաինայի հավաքականին: Այս պարտությունը փաստորեն զրկեց հաջորդ փուլ դուրս գալու հնարավորությունից: Ընտրական 7-րդ խմբում 2 տուրից հետո 6-ական միավորով առաջատարներն են Շոտլանդիայի եւ Ուկրաինայի հավաքականները: Շոտլանդացիները 3-0 հաշվով հաղթեցին Ադրբեջանի հավաքականին, իսկ մինչ այդ 13 անպատասխան գնդակ էին խփել մեր ընտրանու դարպասը: Այսօր մեր հավաքականն ընտրական մրցաշարի ավարտական խաղում ուժերը կչափի Ադրբեջանի հավաքականի հետ:
ԱՇՈՏ ՀԱՅՐԱՊԵՏՅԱՆ