Ֆուտբոլի Հայաստանի մինչեւ 17 տարեկանների պատանեկան հավաքականն անփառունակ ելույթներ ունեցավ Եվրոպայի առաջնության ընտրական մրցաշարում: Ավարտական խաղում էլ մեր պատանիները 0-3 հաշվով զիջեցին Կիպրոսի ընտրանուն եւ ընտրական 13-րդ խմբում եզրափակեցին աղյուսակը: Հիշեցնենք, որ մինչ այդ հայ ֆուտբոլիստները զիջել էին նաեւ Իտալիայի (1-2) եւ Չեխիայի (1-5) հավաքականներին:
Խմբի հաղթող ճանաչվեց Իտալիայի ընտրանին, որը 2-1 հաշվով պարտության մատնեց չեխերին: Այս երկու թիմերը կշարունակեն պայքարը հաջորդ փուլում:
ԱՇՈՏ ՀԱՅՐԱՊԵՏՅԱՆ