Հոլանդական Հոոգովեն քաղաքում անցկացվող շախմատի մրցաշարում չափազանց անհաջող է ելույթ ունենում Զավեն Անդրեասյանը, որին ոչ մի կերպ չի հաջողվում ուշքի գալ եւ միավոր վաստակել: Չորս գրոսմայստերների մրցաշարում հայ շախմատիստը չորրորդ անընդմեջ պարտությունը կրեցՙ երկրորդ շրջանի մեկնարկային խաղում սպիտակներով զիջելով Ռուսլան Պոնոմարյովին:
Այսպիսով, չորս տուրից հետո Զավենն առայժմ միավոր չի վաստակել: Իսկ աղյուսակը 3-ական միավորով գլխավորում են Ռուսլան Պոնոմարյովն ու Շահրիյար Մամեդյարովը: Վերջինս ոչ-ոքի խաղաց Լյուկ վան Վելիի հետ, որը վաստակել է 2 միավոր:
ԱՇՈՏ ՀԱՅՐԱՊԵՏՅԱՆ