IBF-ի վարկածով պրոֆեսիոնալ բռնցքամարտի աշխարհի չեմպիոն Արթուր Աբրահամն իր տիտղոսի հերթական պաշտպանությունը կիրականացնի դեկտեմբերի 8-ին: Այդ օրը նրա մրցակիցը կլինի 33-ամյա բրիտանացի բռնցքամարտիկ Ուեյն Էլկոկը: Մենամարտը կկայանա շվեյցարական Բազել քաղաքում:
Էլկոկը IBF-ի վարկանիշային ցուցակում զբաղեցնում է 12-րդ տեղը: Նա պրոֆեսիոնալ ռինգում 20 մենամարտ է անցկացրել, որից 18-ում հաղթել է (8-ը` նոկաուտով), 2-ում պարտվել (1-ը` նոկաուտով):
ԱՇՈՏ ՀԱՅՐԱՊԵՏՅԱՆ