«ԱԶԳ» ՕՐԱԹԵՐԹ

ՈՐՔԱՆ ՀԱՐԿԵՐ ԵՆ ՎՃԱՐԵԼ «ԳՐԱՆԴ ՀՈԼԴԻՆԳԻ» ԸՆԿԵՐՈՒԹՅՈՒՆՆԵՐԸ

«Գրանդ հոլդինգի» մեջ մտնող ընկերություններն այս տարվա 9 ամիսների ընթացքում միասին վերցրած վճարել են 7 մլրդ 633 մլն դրամ հարկ: Այդ մասին, վկայակոչելով հարկային պետական ծառայության հրապարակած առաջին 300 խոշոր հարկատուների ցանկում ընդգրկված 8 ընկերությունների տվյալները, տեղեկանում ենք «Գրանդ հոլդինգի» մեզ տրամադրած տեղեկանքից: Համաձայն դրանց, «Ինտերնեյշնլ Մասիս տաբակը» վճարել է 2,8 մլրդ դրամ, «Գրանդ տոբակոն»ՙ մոտ 2,6 մլրդ դրամ, «Գրանդ քենդին»ՙ 1,2 մլրդ դրամ, «Մասիս տոբակոն»ՙ 265 մլն դրամ, «Հ.Մ.Կ.»-նՙ 203 մլն դրամ, «Հայհրուշակը»ՙ 180 մլն դրամ, «Գրանդ կոմերցը»ՙ 156 մլն դրամ, Մասիսի «Գոֆրոտարան»ՙ 138 մլն դրամ:

ԱՐԱ ՄԱՐՏԻՐՈՍՅԱՆ