ՖԻՖԱ-ն հրապարակել է ազգային հավաքականների դասակարգման հերթական ցուցակը: Հայաստանի հավաքականը նախորդ ամսվա համեմատ 8 հորիզոնականով առաջադիմել է եւ այժմ 386 վարկանիշով 85-րդ տեղում է:
Ընդհանրապես, հերթական ցուցակում փոփոխությունները շատ չնչին են, քանի որ այս ժամանակահատվածում հավաքականների մասնակցությամբ ընկերական հանդիպումներ չեն անցկացվել: Մասնավորապես անփոփոխ է մնացել լավագույն տասնյակի կազմը: 2010-ի աշխարհի առաջնության ընտրական մրցաշարում Հայաստանի հավաքականի առաջիկա մրցակիցներից ամենաբարձր վարկանիշն ունի Իսպանիայի հավաքականը, որն զբաղեցնում է 4-րդ հորիզոնականը: Հաջորդը թուրքերն են (16-րդ տեղ): Այնուհետեւ գալիս են Բելգիայի (49-րդ տեղ), Բոսնիայի (51-րդ) եւ Էստոնիայի (124-րդ) հավաքականները:
Նախորդ ամսվա համեմատ ամենամեծ առաջընթացն ունեցել է Վիետնամի հավաքականը, որը 19 տեղով բարձրացել է: 18 տեղով բարձրացել է Մավրիտանիայի ընտրանին: Իսկ ահա Սուրբ Վինսենտ եւ Գրենադիայի հավաքականը 29 տեղով նահանջել է:
Ներկայացնում ենք լավագույն տասնյակի եւ նախկին ԽՍՀՄ հանրապետությունների հավաքականների ցուցանիշները:
| 1. Արգենտինա | 1523 |
| 2. Բրազիլիա | 1502 |
| 3. Իտալիա | 1498 |
| 4. Իսպանիա | 1349 |
| 5. Գերմանիա | 1305 |
| 6. Չեխիա | 1290 |
| 7. Ֆրանսիա | 1243 |
| 8. Պորտուգալիա | 1241 |
| 9. Հոլանդիա | 1170 |
| 10. Խորվաթիա | 1129 |
| 24. Ռուսաստան | 861 |
| 30. Ուկրաինա | 824 |
| 53. Մոլդովա | 579 |
| 61. Լիտվա | 554 |
| 62. Բելառուս | 553 |
| 66. Ուզբեկստան | 492 |
| 76. Վրաստան | 414 |
| 85. Հայաստան | 386 |
| 85. Լատվիա | 386 |
| 108. Ղազախստան | 308 |
| 116. Ադրբեջան | 279 |
| 124. Էստոնիա | 231 |
| 128. Թուրքմենստան | 222 |
| 138. Ղրղըզստան | 180 |
| 141. Տաջիկստան | 168 |
ԱՇՈՏ ՀԱՅՐԱՊԵՏՅԱՆ