Գուգարաց թեմի առաջնորդ Սեպուհ եպիսկոպոս Չուլջյանի օրհնությամբ եւ «Նոյյան տապան» ՍՊԸ-ի փոխտնօրեն Սամվել Դանիելյանի մեկենասությամբ հրատարակվեց Գուգարաց թեմի 2008-ի պատկերազարդ օրացույցը:
Օրացույցն ընդգրկում է նշանավոր վանքերի եւ Սեպուհ սրբազանի առաջնորդության տարիներին` 1996-ից մինչ օրս, նոր կառուցված եկեղեցիների նկարներ, տեղեկատվություն գործող եկեղեցիներում հոգեւոր հովիվների վերաբերյալ:
Յուրաքանչյուր էջում` իբրեւ առաջնորդող վերնագիր, գրված են աստվածաշնչյան մտքեր եւ մանրամասնորեն նշված են եկեղեցական ու պետական տոները եւ հիշատակի օրերը:
Այս հրատարակությունը, օրացույց լինելուց զատ, Գուգարաց թեմի սրբավայրերի նկարազարդ գեղեցիկ ալբոմ է:
Թեմի հոգեւոր դասը եւ հավատացյալները երախտագիտություն են հայտնում Սամվել Դանիելյանին` աջակցության համար:
ՄԱՆՎԵԼ ՄԻԿՈՅԱՆ