Այսօր ֆուտբոլի Հայաստանի ֆեդերացիայում տեղի կունենա երկրի գավաթի խաղարկության մասնակիցների վիճակահանությունը: Գավաթի մրցաշարին մասնակցելու հայտ են ներկայացրել բարձրագույն խմբի 8 եւ առաջին խմբի 6 թիմեր: Այդ իսկ պատճառով երկրի գավաթակիր «Բանանցն» ու գավաթի եզրափակիչի մասնակից «Արարատը» պայքարը կսկսեն քառորդ եզրափակիչից, իսկ մյուս թիմերը մրցաշարը կսկսեն 1/8 եզրափակիչից:
Առաջնության խաղացանկը կազմելու համար բարձրագույն խմբի 8 թիմերի միջեւ վիճակահանություն կանցկացվի: Թիմերը կստանան 1-8 համարները, ըստ որի էլ կկազմվի 2008-ի առաջնության խաղացանկը:
ԱՇՈՏ ՀԱՅՐԱՊԵՏՅԱՆ