Երեւանի քաղաքապետարանի տեղեկատվության եւ հասարակայնության հետ կապերի վարչությունից տեղեկացնում են, որ այսօր Երեւանի քաղաքապետը կմեկնի Սոֆիա ապա եւ Դելի:
Բուլղարիայի մայրաքաղաք Սոֆիայի քաղաքապետ Բոյկո Բորիսովի հրավերով կազմակերպված պաշտոնական այցի ընթացքում Երեւանի քաղաքապետ Երվանդ Զախարյանը, բացի համագործակցությանն առնչվող խնդիրների քննարկումից եւ բարեկամության համաձայնագրի ստորագրումից, կմասնակցի Բուլղարիայի մայրաքաղաքի Երեւանի անունը կրող այգում խաչքարի բացման արարողությանը:
Այնուհետեւՙ սեպտեմբերի 11-ին Երեւանի քաղաքապետ Երվանդ Զախարյանի գլխավորած պատվիրակությունը պաշտոնական այցով կմեկնի Հնդկաստանի մայրաքաղաք` Դելիի գլխավոր նախարար Շեյլա Դիքշիթի հրավերով: Այցի ընթացքում եւս կստորագրվի երկու երկրների մայրաքաղաքների միջեւ բարեկամության համաձայնագիր, այնուհետեւ Երեւանի քաղաքապետարանի պատվիրակությունը կմասնակցի Դելիում Հայկական փողոցի բացման արարողությանը:
Ս. Մ.