Լեհաստանում մեկնարկել է ֆուտբոլի Եվրոպայի 2009-ի առաջնության ընտրական մրցաշարի առաջին փուլը մինչեւ 19 տարեկան աղջիկների հավաքականների միջեւ: Այստեղ իրենց հարաբերություններն են որոշում ընտրական 2-րդ խմբում ընդգրկված Հայաստանի, Լեհաստանի, Ավստրիայի եւ Թուրքիայի հավաքականները, որոնք վիճարկում են հաջորդ փուլի երկու ուղեգրերը:
Հայաստանի հավաքականը հենց մեկնարկից անհաջողության մատնվեց: Մեկնարկային խաղում մեր աղջիկները 0-3 հաշվով զիջեցին տանտերերին: Ընդ որում, լեհերը դեռեւս առաջին խաղակեսում վճռեցին հանդիպման ելքըՙ մեր թիմի դարպասին խփելով 3 անպատասխան գնդակ: Այսօր Հայաստանի հավաքականը կմրցի Ավստրիայի ընտրանու հետ: Վերջինս 5-0 հաշվով հաղթել է Թուրքիայի հավաքականին:
ԱՇՈՏ ՀԱՅՐԱՊԵՏՅԱՆ